İpoteka ilə mənzil almaq qaydaları

Ev almaq bir çox insanın həyatındakı ən böyük maliyyə addımıdır. Əgər nağd pulunuz kifayət qədər deyilsə, ipoteka ən yaxşı alternativdir. EvNet.az-da İpotekaya yararlı evlər axtarışını etməzdən əvvəl bu qaydalarla tanış olun.

1. İpoteka Növləri

Azərbaycanda iki əsas ipoteka növü var: Dövlət ipotekası (İpoteka Fondu) və Daxili bank kreditləri / Tikinti şirkəti kreditləri. Dövlət ipotekasında faizlər daha aşağı (ildə 4-8%) olsa da, sənəd tələbləri daha sərtdir. Daxili kreditlərdə isə ilkin ödəniş yüksək, faiz isə daha bahadır, lakin sənədləşmə sürətlidir.

2. Tələb olunan sənədlər

İpoteka üçün rəsmi gəlir şərtdir. Aşağıdakı sənədlər mütləqdir:

• Şəxsiyyət vəsiqəsi
• Rəsmi iş yerindən arayış (Əmək müqaviləsi və elektron portal çıxarışı)
• Maaş kartından çıxarış (son 6-12 ay)
• Alınacaq əmlakın Çıxarışı (Kupça)

3. İlkin ödəniş və Qiymətləndirmə

İpoteka alarkən evi bankın təyin etdiyi müstəqil ekspert qiymətləndirir. Əgər siz evi 100.000 AZN-ə razılaşmısınızsa, lakin ekspert evi 90.000 AZN olaraq qiymətləndirirsə, bank ipotekanı 90.000 AZN üzərindən hesablayacaq. İlkin ödəniş (adətən 15-30%) də məhz bu məbləğ üzərindən çıxılır. Yerdə qalan fərqi siz öz cibinizdən ödəməli olacaqsınız.

4. Güzəştli İpoteka kimlərə verilir?

Güzəştli ipoteka şəhid ailələri, gənc ailələr, dövlət qulluqçuları, müəllimlər və bəzi xüsusi kateqoriyalı şəxslər üçün nəzərdə tutulub. Bu kateqoriyada faiz dərəcəsi adətən 4% olur və aylıq ödəniş yükü çox aşağı düşür.

5. Aylıq ödəniş yükü

Banklar qayda olaraq aylıq kredit ödənişinin sizin rəsmi xalis gəlirinizin 50-70%-dən çox olmamasına diqqət edirlər. Məsələn, rəsmi maaşınız 1000 AZN-dirsə, aylıq ödəniş 500-600 AZN-i keçməməlidir.

Tez-tez verilən suallar